الشاعرة غادة عبد الرؤوف نكتب حبة دموع متجمعين

حبة دموع متجمعين
والقلب فايض م الوجع
و الدنيا ليه قاسية كدا
والروح بيملاها الندم
صعبه الحياة انك تعيش
من غير امل….
وكتير تعيشها على الاسى
لو ان قلبي كان أسير
فكفاية عمري إللى اتنسى
انا عشت طول عمري غريب
انسان غريق وسط الهموم .
وف كل يوم
بستنى يوم
قلبي الحزين
يسكن ف حضنك
دلنى
طب اعمل ايه
حضنك مكان مش ليا انا
وانا اصلى مش مطمنة
وكمان خلاص مستسلمة
ماهو أصل صعب نكون سوى
والموت ف انى اكرهك
ولا ابعدك
سلمت قلبي للقدر
ماقدرت أتوب
عن حبي ليك ..
وبرغم انى ما بين اديك
انا قلبي حاسس بالاسى
وبرغم كل حنانى ليك
انا روحى مش لاقيه الدفا
رغم الادلة الواضحة
على حبك كتير
لكني خايفة من الندم
قلبي الحزين خايف يهون
خايف ليرجع للعدم
فتهرب دمعه من عينى
ونار الصبر تكوينى
فتهرب روحى من جسمي
تنسينى حروف اسمى
وافكر بس ف لقانا …
ضروري يكون ..
. وامتى يكون!!
وانا خايفة!
ملامح بنت مصرية
تموت م الخوف وانا بفكر
واحاول انى انسى هواك
ولا بقدر …
بيلمحوا حبك الغالى
على جبيبنى
وانا بحكى كتير عنك

اخاف م الدنيا لو تغدر
ف يوم بيا
واقول جايز ماهو انسان
تفتش روحى على حبك
الاقى الحب جوانا بيحكى حكاية الاساطير…
وليه شافوا الفراق لعنة
وعشقوا كتير
وداقوا الموت ..
فضوا الطرق للمغرمين
دا الحب ف الدنيا الملاذ
والحضن ف الغربة السكن
ايوا الحبيب بيكون وطن
طب ليه نعيش متعذبين
أوجااااع بتحضنها الانين
رغم ازدحام الامكنة
رغم انتحار الازمنة
لسه القلوب متمكنة
م العشق والبوح
والحنين…

كلمات
الشاعره غاده عبد الرؤوف