أنا الهادى الشقي…!!

الحن_طليس

انا الهادى الشقى
انا الواد الذكى
انا اللى تشوفه تعشقه
تعرفه تقول جدع
أنا السهران لوش الصبح
بغازل حلمى مع الدنيا
وماسك صوره فى ايديا
لذكرى قديمه كالعادة
انا اللى كلامى يوصفنى
انا اللى الدمع يخطفنى
انا اللى قلبى الحزين ملهوف
ومن جواه ملامح خوف
واشوف بعينى الشمس
الاقي عليها كسوف
انا الضى وانا الضلمه
انا العادل وانا الظالم
انا الوحدة وانا اللمه
انا السهل وانا الصعب
انا الجد وانا اللعب
انا نفسى وكل الناس
انا الدمع وانا الاحساس
أنا الغاوى سماع مواويل
بصوت هادى ف عز الليل
يحرك فيا شئ ساكن
واحن لحضنهم لكن
انا بطبعي ضعيف جدا
قصاد كل اللى حبتهم
ومهما يسيبوا مطارحهم
مبتغيرش ناحيتهم
أنا اللى الحب يعرفنى
أنا اللى قلبى الحزين بيئن
وبيتنفض م الخوف
والقلب مال بالحمل
من الهم والكسرة
انا اللى عمرى ما اتعلمت
عايش بقلب كبير
أنا اللى مكتوب عليا الوجع
جوا الكتاب موصوف
أنا كلمة كانت فى كتاب
وورقوا من التراب داب
ومنين أجيب الصبر
ع الظلم والقسوه
والقلب مال بالحمل
من الهم والكسرة
أنا السهران لوش الصبح
ولو هتفوت عليا سنين
بفكر بس فى النايمين
طبع البشر دا غريب
والناس ضميرهم مات