مش عارفه أوصف حالى ..

كلمات الشاعرة …عزة أحمدابوزيد ابوزيد

مش عارفة اوصف
حالي ب كلمة
حاسة بقبضة
بتخطف روحي
رعشة وتلج
وصوت مبحوح
يعلن إني خلاص
مش راجعة
ودموعي سايلة
بتروي الأرض
تروي شقوق
جوايا مكتومة
ملّيت م الدنيا وتعبها
عايزة اصرخ
وماليني النوح
مهمن هاكتب
مش راح اعبّر
وجدار قلبي بات مشروخ
متشققة أوصالي بحالها
نفسي
ادارى الدمعة .. اخفيها
ومين حاسس باحوالي
يا دنيا
حاسس كسرة معشّشة فيّ
أنا حبيت الوحدة دي جدا
باتداري فيها من روحي
وبنفسي .. باخبّي نفسي!
مش عايزة حاجة تعريها
قلبي وجعني بجد صراحة
ليه في حياتي مالاقية الراحة
كل ضغوط الدنيا عليّ
ارمي اكتر وانا مش بإديّ
ما أنا الصخرة ومابتنطقش
واللي تملّي باعيش مكسورة
وانتم تملي فوق العرش
أشكي لمين والكل بايعني
كله شايفني ملك وحق
وانا مش قادرة اصرخ
من وجعي
ولا ليّ الحق انطق
لأ