باي_باي_٢٠٢٢

كلمات الشاعرة
منى عبد الرحمن

شُكرًا قَوي
علىٰ كُل حَاجة قُلتها من غير كلام
شُكرًا يا سِيدي عَ السُّؤال وعلىٰ السلام
شُكرًا لِخَطوَة زَرعتهالَك نُور وضَي
وانتَ بقساوتَك دُوستها برُصاص.. وحَي
شُكرًا قوي
ما باقُولش شُكرًا لاجْل يَعني ألوم عليك
ولا كل كلمة باقُولها ليك.. تِبقىٰ عِتاب
أبدًا خلاص
(لا لُوم ولا جَرح فِ عنَيَّا)
مازَوِدت الوَجع فِيَّا
مافيش ولا ذرَّة حِنيَّة؟
شُكرًا بَقه
وانا الِّلي كُنت مصَدَّقة.. كُل الكَلام
أتارِيه نِهايَة لِلطريق من غِير سلام
شُكرًا قَوي
شُكرًا قَوي عِشرين واتْنين
لِيه لمَّا جِيتي تِراضِيني
قَفلْتي البَاب طَرف عِيني
ودُستي بقَسوَة علىٰ رُوحي
وفَتِّتي الِّلي جَبَّرتِيه
شُكرًا يا كل خَطاوي التِيه
شُكرًا لكِ عِشرين واتْنِين
شُكرًا قَوى…