اللى غاب الليلة خالف…

كلمات الشاعرة
رشا الفوال

اللى غاب الليلة خالف
كل نص نقشنا فيه بالدم آية
اللى غاب الليلة فاكر
إن روحه مش معايا
ناسى إنه بالغواية شق فيا ميت طريق
ياما ميل فوق كتافي
ياما قال الحزن شافى م المباهج لو رخيصه
ياما قال ان ابتسامتى
عامله جوه الصمت هيصه
و انه بيصدق عينيا / لما ادور عنه وشي
ياما قلت ان القصيدة
من ملامحه رايحه جايه
و ان عمري ما خفت حضنه
ولا مرة شبعت منه
ولا لخبطت القوافي
مش قضية يغيب شوية
حسه جوه النص كافي
#عرض_مضحك