تعرف على سر خناقة عزالدين ذو الفقار و فاتن حمامة

-في فيلم صاحب السعادة الخناقة استمرت لمدة 8 شهور بسبب رفض فاتن حمامة أن تعمل ابنتها نادية فى العمل السينمائى و هى صغيرة ـ حتى لا تُصبح شخصية مغرورة جدأً.
– عز الدين ذو الفقار كان مُصمم على رأيه
‏ـ و قال لفاتن لحمامة ، إن ابنته لازم تشتغل الفيلم دا..
– فاتن حمامة قالت لزوجها ( عز الدين ذو الفقار ) . أنا مش هكمّل معاك الفيلم دا ـ و اللى ممكن تعمل الدور بتاعى زهرة العُلا.
– فرد عليها عز الدين ذو الفقار : انتى اللى هتكملى الفيلم غصب عنك ـ إنتى عليكى شرط جزائى كبير.
– المهم
= فى يوم من الأيام بعد نجاح الفيلم ده
،، كانت نادية فى المدرسة و فى زميلة ليها كانت بتلعب معاها
‏- و فجأة قامت نادية بصفع زميلتها على وشها ـ و قالتلها : أنا بنت فاتن حمامة ـ أنا بطلع فى السينما زيها .. إنت مين بقى ؟.. تلاقيكى ولا حاجة.
فاتن حمامة سمعت القصة دى من بنتها ـ و قررت ما هو آت :-
ذهبت فى اليوم التالى .. و كانت المدرسة فى حالة سعادة .. و كان كل المدرسين و التلاميذ
‏عاوزين إمضاء منها للأوتوجرافات بتاعتهم
،، فطلبت فاتن حمامة من ناظر المدرسة أن تقول كلمة فى طابور الصباح فى الميكروفون
فقالت أنا بعتذر بالنيابة عن ابتنى و بعتذر للتلميذة الصغيرة و بعتذر لكل من رأى منى أو من ابنتى سلوك مُهين
فأنا لا أعمل إلا من أجل إسعادكم و لا أعمل من أجل أن
‏أسبب لكم تعاسة أو ألم
فكم أشعر بالخجل فكيف أُقدّم لكم القدوة و أنا لم أُنجب من ترفع رأسى أمامكم يا أبنائى
أتقدم باعتذارى للسادة المدرسين الذين عرفوا أن نادية ابنتى و بالتأكيد أصابهم الغضب لأننى لم أُحسن تربيتها.
سامحونى جميعاً فأنا مُخطئة ـ لأننى تركت بذرة الغرور تنمو فى ‏عقل ابنتى الصغيرة.
،، بل و أتحمّل أى عقاب تستحقه ابنتى ـ و استحقه أنا أيضاً .. من أمن العقوبة أساء الأدب.
= فجرى التلاميذ جميعهم على الفنانة فاتن حمامة ـ و كلهم يصفّقون لها ـ و سالت الدموع من عيون كل المُدرسات ..
،، و هتف الجميع : بنحبك يا فاتن .. بنحبك يا فاتن ..
بنحبك يا فاتن
عرفتوا ليه بنحب فاتن مش للفن فقط بل الاخلاق اهم