عدت سنين العمر وأنا سواح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عدت سنين العمر وأنا سواح
ولا يوم يعدي عليا وأنا مرتاح
بذرف دموع تملى البحور وكاسات
ومنيش بلملم غير آلام وجراح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قلبي الحزين دايما عليل نواح
مخنوق في دنيا ما لاقي فيها براح
كان كل امله يكون فاردله جناح
لكن الظروف دايما تقفله صياح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كومبارس بس ملوش لزوم منزاح
مظلوم يا عيني ملوش مكان يرتاح
خلف الستار ولا مرة شاف النور
عدوه في دوره وسابقوا زي رياح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مع أنه كان للناس طبيب جراح
في طريقه داوى كتير من الأرواح
كان عنده حق العقل منه يثور
لما الزمان والناس صابوه برماح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تقدر تقولي يا زمن إيه تهمتي
دي جزاتي بعد دوايا ليك ومحبتي
دا يكون مصيري تكونلي يوم دباح
تكافئني جرحك طول طريقي وسكتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ليه المخلصين ملقوش في توبها أمان
ومابين دروبها يتوهوا م العنوان
ليه بس ناسها الطيبين تتهان
ما يلاقوا غير الذل بعد كفاح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عدت سنين العمر وأنا سواح
ولا يوم يعدي عليا وأنا مرتاح
بذرف دموع تملى البحور وكاسات
ومنيش بلملم غير الالام وجراح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات الشاعر
سامح السبكى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عدت سنين العمر وأنا سواح
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر سامح السبكي يكتب عدت سنين العمر
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post