كلمات الشاعر …حماده عركز
أضحك وأتمكن من قلبي
وخليك مبسوط
أحرق أعصابي ودمرها
ولع في الشجرة إللى ثمرها
نجاك م الموت
……………………
والله مش قصدي إني الومك
ولا أمسح دمعتي في هدومك
أنا جاي اقولك خلصني
وهموت بين ايدك وأنا ساكت
من غير ماهتسمع اه في الصوت
…………………………………
بس اما تفوق
ودوق المر بايد غيري
وتبص لصورتي وتتذكر
اوعي تفكر
أنك هتلاقي في أشواقي طعم السكر
………………………………………..
لو كنت نسيت
ارجع للبيت التاني وشوف
أنا مت بايدك من غير صوت
لو تدخل قلبي دلوقتي
هتشم في قلبي حريق الموت
………………………………
أنا آخر واحد لبعادك كنت أتمني
أنا كنت بدوس في النار
علشان هدوس على كتفي
وتعبر أنت على الجنه
…………………………
أنا دمعي الغالي فرشتة ليالي
وعملت من القرميد حنه
ولكني خلاص أنا دلوقتي
عايش في تابوت
…………………………..
وإن كنت نسيت
أرجع للبت التاني وشوف
أنا مت بايدك من غير صوت
وأكيد أنك عارف طبعاً
إحساس الراجل لما يموت
Discussion about this post