أنا مش ضعيف …

كلمات الشاعر … حماده عركز

ولا قلبي داس فوقه الخريف
أنا بس كنت أتحملك
علشان قوي وقلبي نضيف
………………………..
مفهوش لا حقد ولا عتاب
ولا مين هيفضل يوم معاه
ولا مين يدارية الغياب
……………………………
أنا قلبي حب لأنه حس أنك
في حاجه لقلب دافئ
حس ببرد عنيف في روحك
فاقلبي جالك جري حافي
…………………………
وقت أما راح البرد منك
والدفى طمن مشاعرك
بانت مشاعرك
واليوم بترمي قلبي اللى
برضوا شاعرك
……………………..
مئة اه من ظلم المشاعر
لما تخسر قلب شاعر
كل تفصيله في ملامحك
كان يحارب كل احساس في الوجود
لو مره حس بأنه جرحك

فأنت عادي لو هتفرح
والله لا نفرح لفرحك
…………………………
بس خلي الدنيا بنا تعدي خيط لو كان رفيع
أنت مش عارف حياتك فيها ايه
يمكن يا غالي
اللى أنت حبيته يضيع
………………………….
كل إحساس الدفا اللى زرعته فيك
فجأة تلاقيك
محتاج لحد يكون أمان
وأقرب مكان
هو المكان
إللى في عز ماكنت ضايع
كان هو بيدور عليك
………………………….
فبلاش تبيع كل اللى في إيدك
علشان تشوف الجاي إيه
صون قلب بيغزي في وريدك
أنك امان بالنسبة ليه
……………………….
وبلاش تحس أنك قوي
لو لحظة متمكن قوي
فبلاش تحس أنك قوي دائما عليه
…………………………………..
ايوه القلوب الطيبة دايما تسامح
وتحس بيك من غير كلام
وتحس من شكل الملامح
………………………………
بس اما تشعر أنها بعدت شويه
وأنك بتبعد عنها لو بس ثانية
بتغيب عن العالم باسرة
وتبقى جوه الدنيا فانية
……………………………
تبعد عن الناس كلها في رحلة غياب
يمكن تطول الرحله في سنين العذاب
متقولش اه
ولا تبكي مرة أو تحس في يوم ندم
لأنها دائماً كده جوه الحياة
………………………………..
بتداوي بس ومتلقيش اللى يداويها
بتحس بس ومستحيل هتلاقي حد يحس بيها
وهي عارفه أن القدر أمن وأمن نفسه بيها
…………………………………………
فبلاش تشوف أن القلوب هشه وضعيفه
دالحزن نفسه لو سكنه بيحس جوه نفسه خيفه
مش معني أنها طيبه تبقي خلاص هبله وعبيطة
الحزن لما يزورها يوم بيبقي واخد الف حيطة
………………………………………
أنا مش هطول في الكلام
أنا بس باعت مئة سلام
…………………………..
لكل قلب جميل وطيب
لكل واحد حس حد حزين
فجاله بس عشان يطيب
……………………………..
لكل واحد حس حد غريب فقله
متخافش أنا منك قريب
…………………………..
ببعت سلام لكل نفس
لسه مكتئة وحزينة
وبقولها جوايا فرحه
وليها عندي في قلبي مينه
ارسي في قلبي بكل ود
……………………………
أنا قلبي مجموعة أمل أنا قلبي مبيكرهش حد
أنا قلبي لو طلت السما هيزودك طول إنما
انا قلبي مش ممكن يشد
……………. ……………..
أنا قلبي متسامح اوي
ولا يوم لأخطاءك يعد
أنا قلبي للاحزان يشق
أنا قلبي أقصي عقاب يعاقبة
أنه هيبطل يدق