مشيت وهي زعلانه …

كلمات الشاعرة … عزه الزرقانى
قالتلي كتير كده وياما ..
إزاي تجرحني ف كرامتي ..
وتقلل ف العيون قيمتي ..
وتسيبلي جرح ب علامه ..
دي مشيت وهي زعلانه ..

وانادي عليها سامحيني ..
وصوتي يروح يسهيني ..
ويرجع لي صدى وسكوت ..
أنا الغلطان أنا الجاني ..
تشيل هي ف أحزاني ..
وانا اللي ب إيدي أظلمها ..
وادوس ع القلب وألمها ..
واسيبها ف جرح وملامه ..
دي مشيت وهي زعلانه ..

قولولي ازاي تسامحني ..
تجيلي لو ح تدبحني ..
ح اكون راضي واكون مبسوط ..
وأحلى شعور يكون لي الموت ..
على إيديها وف عينيها ..
أنا بيها أنا ليها أنا المقتول ..
وب اهديها روحي عندها أمانه ..
دي مشيت وهي زعلانه
—–