مصطلحات كثيرة رحلت مع الزمن الجميل مثل ” الحكيم ، الاوتومبيل ، يا اكسلانس ، الاسبتالية ، الاجزخانة ، البندر ، التوجيهية ، الشكمجية وغيرها…
يعني مثلا في الصباح كانت الناس تقول ” صباح شريف او نهارك سعيد ” .. و لما تكون في الشارع و محتاج تسأل حد عن حاجة تقوله .. “قولي من فضلك” و لما يساعدك و تحب تشكره تقوله “أنا ممنون لك خالص”
و لو بقا لما تعجبك حاجة و تبقى منبهر بها جداً هتقول ” دي حاجة ١٣ خالص “
و لو واحدة واقفة مع جارتها هتقولها “أما أروح بأة أحسن اللافندى بتاعي يستعوأني .. أو أستأذنك اللافندي بتاعي وصل “
وكانت بداية الكلام عن موضوع تقول ( أنا بس كان غرضي أقول .. )
ولا بقا لما نتعصب لما تتعصب هتقول ” دا شيئ كتير خالص ” .. فالشخص اللي قدامك يقولك ” هدي أخلاقك يا فلان أفندي “
و كلمة أفندي وقتها كانت بتتقال لأي حد صاحب شأن في المجتمع ، لأصحاب الوظايف المدنية و الدينية
أم بقا معاكسة زمان
و لما تبقى قليل الأخلاق خالص و تحب تعاكس ست في الشارع يدخل علبها ويقرب منها ويقول “بونسوار يا هانم” .. فلو عجب الهانم هتبتسم في خجل و تبدأ الحكاية ما بينهم ، لو ما عجبهاش هتقول وبنظرة احتكار ” يا سم ” أو” سم كده”.
التوقيع والشتايم برائحة زمان
حتى الوقيعة بين الأشخاص بعضها البعض كان بيقولوا .. فلان قال على سعادتك كلام بطال خالص.
نيجي بقا لـ الشتايم وقتها كانت ” ياكروديا ، يادهول،يا دغُف، انت بني ادم سدِغ ، الشخص ده جلياط ، فلان ده مغفل أوي “
ياليت الزمان يعود بينا للوراء، لنعيش في زمن الجمال والرقي والأخلاق التى وصلت لحد الإنحطاط والإنحدار.
Discussion about this post