غنى يا صوت الوجع
وإصرخ ولم الناس
أنا أصلى واخد ع الوجع
من كتر ظلم الناس
نار الوجع فى القلب
بتهد فى المجروح
والرحمه من ربنا
بتشفي كل جروح
داب القلب م الألم
والمر والعلقم
ومنين أجيب البشر
لجرحى دا تفهم
ما الكل صابه العمى
فى القلب والإحساس
ياموشوشين الودع
قولولى مال الوسواس
ومنين أجيب الناس
تعرف تصون ودي
وتداوى فى الإحساس
تاخد ولابتدي
كتب القدر كلمته
وانا حالي بتألم
بين الأطبا اجول
وخوفى مصاحبنى
من كتر طعن الجراح
الصمت داء صابنى
والنبض دا اشتكى
من كتر شيل همى
يارب قوينى
وإهدى الشفا قلبى
وعوضنى عن الحرمان
وإشفى الم جرحى
إنقذنى من الأحزان
فى كل حين بدى
بقلم الشاعر الحن طليس
الشاعر الحن طليس يكتب غني ياصوت الوجع
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post