أنا وهى حياة حب صادق

رفيق بالرزاقة/تونس 🇹🇳.

طال غيابك يا مزيانة
ديما شيك و زعبانة
ماكش كيف برشا نساء
مراجة و خرنانة
هكة نحبك يا بنت منانة
سبورتيفا ضخامة و فيانكة
ربي يحفظك ويسعدك
يا أعز حبيبة و انسانة
انت اجمل هدية لي من
رب العالمين يا حبيبتي أنا
الدنيا هذي فيها العشرة
الباهية الحلوة المزيانة
اذا توفر فيها الثقة و الشهامة
و تزيد تقوى العشرة بالفهامة
و تتأكد العلاقة بالحكمة و الرزانة
في المعاملة الراقية و السلامة
العشرة بين الزوج و الزوجة
قائمة على المودة و الحنانة
و الرضاء بالمكتوب و القناعة
ياما رجال حبوا النساء الزعبانة
و تواعدوا على العشرة المزيانة
لكن الدنيا هذي قلبة بقلبة
مرة مليحة و متفرهدة و بالحب مليانة
و مرات مرج و خصام و قلة حنانة
و قلق و فدة و مرض و عزارة
و الفايدة في الهناء والسلامة
و الفرحة الدائمة و السعادة
و العاقل الحكيم يحرص ديمة
مع شريكة عمرو على الإحترام
و القدر القائم بين الإثنين
يكونو منسجمين و متعاونين
متفاهمين و بالمودة متعاملين
و الرحمة طول السنين
و ربي يسعد كل المتحابين
هكة ربي خلق الراجل باش
يتعلق قلبو بللات الزين و العين
و تزفر العظام لبعضها
كيف ما قالت جدتي آمنة
ربي يرحمها، عندها الحكمة
و التجارب في الدنيا الدوارة
الي فيها حكايات و حكايات
علي ما عاشوه الناس سنين و سنين
و الي ربي رايدلو الخير
يعرف وين يحط ساقيه
و يفكر و يقدر مليح
باش يضمن حياة سعيدة
مع شريكة عمرو الي يحرص
على اسعادها، لانو سعادتو
مرتبطة بسعادتها…
هكة و الا لا يا مرحوم الوالدين؟
برة ربي يستركم بكلكم يا احبابي
و ربي يكتب لكم السعادة في الدارين
بجاه رب العالمين رب الكونية.