أى نحب …

الشاعره… صفاء الفيتورى
تونس

أي نحب..
نحب الصدفه الي جمعنا… و القصه كفاش بدات
ضحكه تبسيمه بمودة…. نسوني برشا حجات
تفدليكا كانت مزيانه…. تقلبت بعد ايامات
بديت نحس بحجا صغيرة كيف عنيك عليا حكات
ممكن فرحه تمانيتها من مدة…..دخلت لحياتي هنات
قلت لازم انقول احساسي…. لا نددم و نقول وفات
الشي تعبا فقلبي و راسي….. و كلماتي بحروفي تملات
شي ما فات علي خاتر مازلت انحب
و انت من حقك تعرف اش نحب
اي نحب
نحب نكون محلاني كيما انت نحب
نحب تتبدل الواني و ننسا برشا تعب
نحب قلبي يكون هاني… ن تكون انت هو السبب
اي نحب
نحب نعيش معاك احلا قصه حب
نحب نعيش الواقع يزني ما قريت كتب
نحب نتبل.. ندلل نتجمل
كيف نكونو فرد جنب
اي نحب
نحب نعبر و تتبسم كيف تسمعني
نحب نعبر كي قلبك ساعت الايعني
و تو لازم تسمعني و تعرف ل انا نحب
اي نحب

نحب روحك… نعرف لي هي مجروحه و اتا لي نداوي جروحك نعرف لي حياتك متبدلا و كل يوم ازيد خوفك
نعرف لي انا انجم و بالوقت نخليك تحب
اي نحب
نحب حياتي بيك و معاك….
ما نوصفش الفرحه كيف اراك
خاتر كان نوصف نتعب
و نضهر لي انا نحب
اي نحب
نحب تكون تاج راسي… نحبك انت احساسي
نحب ناناخذ اسمك مدام جلاصي
و نكمل لعمر نحب
اي نحب
نحب ولادي يشبهولك
طبيعه ضحكه و عيونك
و نبقا ديما انا نصونك
و في قلبي برشا حب
اي نحب.