اللي اختشوا ماتوا،،،،بقلم /ناديه حجاج
بقلم /ناديه حجاج. (القيثاره)
——————————
اااه يابلد فيكي اللي اختشوا ماتوا
اللي بيحبك وبيداري زعلواو اهااتوا
واللي فيكي دايب فحزنوا وأزماتوا
واللي سعيد وراضي بحالواو حلاتوا
واللي عايش بيصد ف قدره و ضرباتوا
واللي ماشي وحاسس ببكرةو نجحاتوا
واللي فيكي مهموم بحلول لمشكلاتوا
بحبك واحب اللي حبك وله بطلولاتوا
بقرا تاريخك وتراثك له جوايا معزاتوا
تاريخ فيه الصح والغلط فكتبه وكتاباتوا
يعز عليا حزنك وطيب عينك ودمعاتوا
بتمني فرحك لبكره فيه كل سعاداتوا
غنية يابلدي بولادك وارضك وخيراتوا
فيكي اللي اثبت حبه ليكي وعزاتوا
وفيكي اللي تاه ومالاقاش ثغراتوا
واللي خسرك وخسر اهله وحياتوا
واللي يخسرك خسر ترابك وحباتوا
حبيبة حبيبك اللي حاول بكل قواتوا
دايبة ف جمالك وتاريخك وحضاراتوا
بتمني نصرك وعارفة امانك وبركاتوا
بحبك واحب اللي دعالك ف صلاواتوا
صوت الاذان وجرس الكنيسة ورناتوا
بحبك لما اشوف جيشك وانتصراتوا
بحبك لما اشوف تاريخيك وانجازاتوا
بحب نيلك وقنالك وبحرك وسفيناتوا
بحب جوك بصيفوا وشتاه وربيع نسماتوا
بحبك يابهية ياللي ليلك صافي بنجماتوا
بحبك يا بلدي يا نبض القلب ودقاتوا
بحبك واحب اللي عشانك ضحي بحياتوا
واللي عشانك كتب التاريخ بكل نبضاتوا
بتمني بكرة يجي يلاقي فيكي ثرواتوا
ليا ولولادي فيكي خير بعيد عن خساراتوا
انتي مكسبنا الحقيقي وبكرة جاي ببشاراتوا
مهما تعبنا بنحبك وبنعشق ارضك وخيراتوا
جميلة يابلدي وفيكي ناس دايبة فترابك وحباتوا
مافيش غيرك وطن ضم شعبه بكل عيوبه وميزاتوا
منصورة يابلدي بشعبك وجيشك وتاربخك له اثبتاتوا
اااه يابلد فيكي العظماء وفيكي اللي اختشوا ماتوا
Discussion about this post