الشاعر خضر عباد الجوعاني يكتب اجاني الليل

(( أجاني الليل ))
_____________

خضر عباد الجوعاني

اجاني الليل……..
والنهار كال تكتر
تعبانه روحي…….
مرمرني كثر السهر
صرت جلد وعظم …….
وجروح كل يوم تكثر
التمن على بالي….
ذكرياتك ضحكاتك برد وحر
ضيعت……….. سنين عمري وياك شنون مر
انت طير…….
خاويتك عمر من ايدي فر
تدري بغيابك……..
ليليه وي النجم أعد وأسهر
مشتت البال……. .
أون عليك وأتحسر
يالما ألك جيه…….
هلبت طيفك بسهوة ليل مر
يالحبك ………
كل شي بدنياي بشرياني خضر
يالهجرك………..
نار سعيريه وبالصدر أكثر
أكلب صورتك…….
وذجرك على البال حنظل وأمر
مابدلك…….
اكظي توالي العمر لجيتك أتنطر
العمر خلصان……..
يوم اعله يوم يكصر
والوكت شين…….
بدل حيل وياي وافتر
عافوني ربعي…….
وصرت بعيونهم أصغر
شجره …..
شجره بلاثمر والفاس بيهه أبصر
محد جاني وبالجذب تعذر
بس الشمات…….
تنشدني عنك ليش مامر
جروح تنزف…….
والقلب لهبة نار وانكسر
هذا حالي……….
كل مايمر ليل مكالب اتذكر
حتى النوم…….
صار شامت يكول اسهر
المن بي وصيت….
وحدي مدوهس بس أفتر
ليلي بجفاك……
حنظل وبعد أمر وأكثر
بس تعال…..
شتريد انطيك ما أخسر
بس تعال…….
شتريد أنطيك ما أخسر

قلمي……..
الشاعر والأديب
خضر عباد الجوعاني
العراق