لأمي في عيد مولدها

لأمي في عيد مولدها

بقلم الشاعرة والأديبة التونسية ….أمان الله الغربي

اللي جابت وربات وتعبت وشقات

لا تغلى عليها الصحة وليها وحدها تهبط الدمعات

اللي فنات عمرها وكبرت البنية واعطاتها لراجلها

تستاهل تنباس من الساق للراس

اللي نورها فينا وذابت كي حرقت الشمعات

الدنيا وما فيها ما تخلص وجعة في عظمها

هذي الأميمة وتاج الراس

لا تتبدل بكنوز الدنيا ولا كل الناس

يطول في عمرها ويشدها بصحة بدنها

يرضيها علينا وتقعد نوارة دويرتها وفارحة ديمة

وينك يا مغضب الوالدين

تجري في الدنيا ما تلحق

الدعوة تطلع حراقة وفيك وفي صغارك تلصق

اعمل اليوم واتفكر الدين

سبق يديك وما تنسى أفعالك

تدور الدنيا ومن كرشك يرجعلك

ما تفرح ع الورد مرمي قدامك

غدوة تذبل وتشوف من حزامك

عيد ميلادك صحة وعافية

لا يمرضك ولا علينا تهون

ويا سعد اللي يدور المفتاح ويلقى الأميمة

وينادي وينك اليوم يا الحنينة