قالوا لك
أكسرلها ضلع هينبت غيره تاني يوم
ولا تمشي لها كلمه ولاحد عليك هيلوم
ويوم ورا يوم وتكترصورك ف الألبوم
نبته شيطاني مده فروعها انا وطيش
فاقده القلب والاحساس
دايسه فى طريقها كل الناس
وتتحمل وتتحمل لجل تعيش
مبروز ذاتك وديما عايش للذاتك
مفيش الا أنت فى الصوره
وديما ضعيفه هى وغلبانه ومكسوره
تابعه لجنابك وقافل عليهاكمان بابك
ويوم متطلعلهوش شمس
لوصوتها همس همس
وصوتك عالي مدى الكون
وتلملم فى وحدتها اسي وهموم
وليل ونهار ونهاروليل
كل كلامك عتاب ولوم
وتتمني يعدى اليوم
فصول العمرخريف فى خريف
ويهل الربيع يادوب تخاطيف
تسرق البسمه بشوق ولهفه
تداريها تخاف لتبان فى عيونها
ويلومها على أقل حق في حقوقها
وان سألوه …
ليه؟؟؟؟
يرد بعزم الصوت..
انا رجل …انا حر
انا الأمر الناهي
وهى واحده من أتباعي
ترد ..تقول…بصوت موجوع
رصيدك نافذ ..مشاعرك صفر
تحويشه عمرك جمعتها
قهر…..وذل
وضلعي وضلعي اللي أنت كسرته فى يوم
وقلبي اللي ياماتحمل عذاب ولوم
قلبي أكتفي ومنك شفا
وكسرى بأيدى جبرته
وكل عيب فيا أنا ليا صلحته
وكرهت اللى عاش لمصلحته
ونسي ….انا مين
وان قالوا لك ….
أكسرلها ضلع….
رد بدمع العين
دفعت رصيد عمرى ندم وحنين
كلمات الشاعرة
البتول إبراهيم
El Batoul Ebrahim
