يا اللي انت عايش وهم
والوهم اصله سراب
والقلب صابه السهم
والسهم كان كداب
سهم الهوى بيصيب
لو كان بجد حبيب
وساعات ظنون بتخيب
لو جد مش احباب
عشت ف حقيقة خيال
وخيال بيغزل شال
لـ كتف مش شيال
سابك في وسط اليمّ
وآسيت كتير م الهم
ولا عمره كان مهتم
ولا مرة كان ميال
وناديت بعلو الصوت
بين الحياة والموت
كان رده بس سكوت
بيشق صمت الليل
بيزيد في جرح عليل
ويقيد في نار الويل
قدرك تعيش مكبوت
يا أسير لعبد ضعيف
يا أعمى النظر وكفيف
غرقان بدون مجاديف
بحرك ظلام وغريق
ولا عمره طفي حريق
ولا حتى بل الريق
وعذابه أصبح كِيف
إنسى اللي عدّى وفات
حاول تعيش اوقات
فيها الامل نفحات
وإرضى بقضاء الله
مين حبّه ربه وتاه ؟
ولا سِمعه لما ناداه
وقضى له ياما حاجات
———————————–
كلمات الشاعرة
منال النبوى
