بقلم … سعيد مراد
احكى يا تاريخ …
قلب صفحاتك يا تاريخ
وعند اكتوبر سمعنا
هتلاقى مدافع.. صواريخ
هتلاقى الفرح مجمعنا
قلب يا تاريخ…
ع الضفة جنودنا بتغنى
بحماس بتقول الله أكبر
قلب ياتاريخ.غنى معانا
وقول ويانا..الله أكبر
قلب ياتاريخ…
احكى ياتاريخ.قول لأولادنا
عن بارليف..عن ابطالنا
ازاى عبروه..وازاى عدوا
بشجاعة وهمة وإيمان
النصر حليفنا ونصيبنا
والصبر دا كان العنوان
قلب يا تاريخ…
احكيلهم عن جولدا احكيلهم
واوعاك تنسى موشى ديان
كانوا مجانين.بيشدوا شعورهم
واللى يجنن وزاد ف جنانهم
لما بطلنا راح لمكانهم
قعد وكأنه صاحب البيت
ولسانه كرباج يخاطبهم
فهمتوا الدرس…
يا واد انت. وهى
ولا نكمل المشوار
قالوا خلاص حرمنا.فهمنا
يكفينا شرك يا مكار
قلب يا تاريخ…
عن حرب اكتوبر واتكلم
خلى العالم كله يشوف
خليه يعرفنا ويتعلم
قلب يا تاريخ…
بقلم … سعيد مراد
