خيانة روح …
شدّوا الرّحال على قلبي من جوا
نزعوا اللي فاضل منه من قوة
اول ما حسوا بكشفي الاعيبهم
على مشنقتهم ضغطوا وبقوة
رسمولى بسمة اتطمنت روحي
قولت لظنوني اتطمني وروحي
صعب اللي مني يحبلي جروحي
دول سندي بيهم دايما استقوى
ردت عليا بعنف قتلتني
صراحتها صعبة بقسوة دبحتني
طول ما انت طيب تلتزم عيبهم
متقولش بكرة الدنيا كسرتني
لكن الحقيقة انا فوقت متاخر
ولقيتني حلمي قصادي متبخر
ولمين امنت عليا ما اتاخر
ردة جميله ف مقتلي خانتني
كان نفسي اكون الوغد والقاسي
وابقى لبحورهم شط مش راسي
بس اللى اصعب مني احساسي
مقدرش يتقن فيا غير هو
،،،،،،
كلمات الشاعر
سامح السبكى
Samh Elsopky
