نور الليالي …
بقلم الشّاعرة: كاملة البلوشية
نور الليالي وينه اليوم
غايب ولا شفنا محياه
خلا القلب بغيابه يصوم
ويفطر على شوفه وملقاه
غصبن على لفواد ملزوم
في غيبته يبكي وينعاه
عودتني واليوم ماروم
اغض قلبي عنه ونساه
من بعدهم ما لذلي نوم
عذبتني يا ويل ويلاه
واني على لبعاد مهموم
قلبي من الهجران سماه
في داخلي هالزين مرسوم
متمكن والروح تبغاه
ودك بقلبي مسوي غيوم
استبشرت روحي بسقياه
فيكم انا عاشق مغروم
وتحلا سنين دوم وياه
لايطول غيابك ولايدوم
القلب لاتحرمه من دواه
