كلمات
الشاعرة … شيرين عبد السلام
قصة عشق …
لملمت حرفك مسك م الجنات
وندهت إسمك ف القليب دقات
قالوا بلادك هي مين قولي
قولت بلادي حسنها دا آيات
والطّلة فيها ِورد م الجنه
لو بس أشم ترابها باتهنى
أحلف بإن ف عشقها نفحات
قالوا:
عشقتي يعني…. خطيتي
رديت وقولت :والله أنا ما خطيت
بس بصراحه …..
لتراب بلادي هويت
وجمعت كل حروف الوصل وإتوضيت
نويت صلاتي والقبله محرابها
وأما بدأت الصلاة
على طرف شالها بديت
لو إن عشقي لبلدي دا خطية
يبقى إرجموني عشان
ف العشق مصرية
حبيت بلادي وقلبي مش ليه
حبيتها أيوه وباعترف
والحب دا سلطان
وأعمل حروف الحب دي عناقيد
وأغني قصة حبنا أناشيد
تطرح زهور القوة ف البستان
تحكي الحكاوي بحبها أجيال
مهما يمر عليها من أحيان
أموت فداها
وتبقى هى أمان
كلمات
الشاعرة … شيرين عبد السلام
