الجَمال كُله
زي العسل وعسلها رباني
وكمان حبها أدبني ورباني
من يوم م عرفتها
خَدت عواطفي ووجداني
عشقت القمر لأنه يشبه لها
وغرقت ف عنيها
وتوهني سحرها
عُودها النخلي عَذبني
وسكرت من رضابها
غَزلت من رموشها سياج
ودوبني ف حلاوتها
أغير من قدها المياس
لو يوم غازل سباطها
هوا البلح قبل النوىٰ ولا النوىٰ قبله
دا قلبي لما هوىٰ راح للنسيم قَابله
عَشق النسيم قلبي وقلبي مَياله
حن الهوىٰ لقلبي وشوشه وقاله
دا حَبيبتك اللي حبيتها
هيا الجَمال كُله
كلماتي:
الشاعر: حليم محمود أبوالعيلة
Discussion about this post