بقلم الشاعر … عامر عبده عامر
يا حلو الملامح …
يا حلو الملامح
عشان خاطر عيونك
خلاص انا قلبي سامح
يا ابو دقه وشامه وعلامه
وحشتني الابتسامه
لك عندي اشواق كتير
في قلبي بقى لها ياما
قررت خلاص اصالحك
نفسي اكيد العوازل
وما اخافش من الملامه
انا روحي ملك ايديك
بس انت بطل ايامه
يا ابو خلخال وعقد لولي
انا رايدك من زمان
مهما العزال قالوا لي
يا اشقر بعيون كحيله
حبك عشش في قلبي
وما فيش باليد حيله
يا سيدي اجبر بخاطري
جبر الخواطر شهامه
نظره واحده منك
تبعد عن روحى الغيامة
بقلم الشاعر … عامر عبده عامر مصر
Discussion about this post