حسبّتك …

بقلم/ مهندس كريم سهم

حسبّتك …

حسبّتك خَيال تصيّر اليٰ 

واكضي ويّاك احلى سنيني 

وحسبتك ماي لو مرني العطش 

بيدك تجي وتسكيني 

ولو مرني التّعب واسمك يجي عالبال 

تفز كل اعضاي واسمك يصحيني 

يمدري شلون ربي شلون سواكَ 

يانّبض كلبي وكلّ شَراييني 

ويالمفصل واحدنه عالثّاني تفصَال 

يتؤام روحي انت وزين تدريني 

ويزهر الاقحوان الجان النه عنوان 

يبقى ويظل بوحشتي يواسيني 

ويجفني الذبل والدّمع جفّ بالعين 

والشّوف راح الشّوف والعصا تدليني 

جنت برحيه ويلوذ بسدي الجوعان 

ومن يشبع يرد بالنّوى يراميني 

صرت مرجوحه بسوالف طيف 

تاخذني فرح وترد حزن ياذيني 

وتريد انساك لا والله ماانساك 

انا بس الموت يكدر ينسيني 

بقلم/ مهندس كريم سهم