كلمات
الشاعرة … شيرين عبد السلام
أنين الصمت …
جربت تبطل تتكلم
أو تعتب على حد أذاك
أو تتحاسب أو تتألم
قدام قلبك أو جواك
جربت ف يوم تصرخ بالآه
فتلاقي الحرف صمت جواك
مش لاقي كلام حتى تقوله
فسكاتك أفضل من نجواك
فكرت تبص ساعات حواليك
وتحس الوحدة بتقتل فيك
مع إن الناس بتدور جنبك
وبتضحكلك…..
وتنادي عليك ٠٠٠٠
وكأن ف كونك كدا سنتر
والدايرة بتتركز بواديك
والغالي عليك آسف باعك
وإنت مفكر من قلبه شاريك
جربت تكلم أوجاعك
تتساير عن حضن لقاك
فبتتفاجئ إن الضمة
إن الضمة دي كات لوداعك
وإن الدنيا دي ضاقت بيك
وإنت حاسبها……
مش هتساعك …..
طب جربت تعوم وف بحرك
تلاقاه ناشف …..
قولت تعوم على أد شراعك
فجأة لقيت القارب دايب
وشراعك كان ريشة ف قلبك
وإنت بضعفك ماسك وجعك
وتعافر وتحاول توصل
وتكابر وتقول مش خايب
وتكابر وتقول مش خايب
كلمات
الشاعرة … شيرين عبد السلام
Discussion about this post