ياقلب قاسى وكوم قلق
حنى على قلبى الحزين
سيبانى ليه قلبى انفلق
أصبح كما الشطرتين
ليه قسوتك زادت كده
دانا كنت ليكي الضفتين
ياسفينة مليانة بقلق
ترسى على شطى بقى
ولا هعيش محروم سنين
من نظرة منك أو سلام
لو حتى من كفك أنين
يوجع قوليب عاش الوجع
مجروح وحالف ١٠٠ يمين
مايفوت عيونك للألم
أو حد يطعن ف الجبين
حاربت عشانكم دنيتى
وكل البشر المؤذيين
صليت لربى ودعيت يارب
تحمى عيون الطفلتين
مجنونه أنا علشان قاسيت
وبعت عمرى مرتين
مرة عشان كلام الناس
ومرة لأجل الوردتين
طب ليه جزاتى منكم
هجر وخداع طول السنين
مفطور قوليبى منكم
مجروح أنا جرح مكين
ملوش دوا غير حبكم
عطشان حنان يا مؤمنين
كلمات الشاعرة
عزه السعدني
Discussion about this post