بِداية القَصِيدة
خُدي مِني كُل حَاجة
وإديني بداية القصيدة
إلهميني بكلمة واحدة
ولا إنت حُروفك عَنيدة
بُحور عيونك غريقة
وشُطوطها لسه بعيدة
لَمسة إيدك تِدَوخ
وبَسمة شَفايفك فريدة
سعادتي تبدأ براحتك
وراحتك ف حُضني أكيدة
أحلامنا تتفسر نعيشها
جوه حياتنا الجديدة
وأي حاجة تِضايقك
ف لحظة تكون وئيدة
فرحتنا نرسمها بإيدينا
دا قلوبنا بِكر ووليدة
ونِبني بيتنا ونْعَلي
وحياتنا تبقىٰ سَعيدة
يوم م تكتمل القصيدة
أوعدك مَتبقاش الوحيدة
ويوم م أكتبلك ديوان
هنشُره ف صدر الجريدة
كلمات
الشاعر: حليم محمود أبوالعيلة
Discussion about this post