يادنيا كتاب
ملوش كتالوج
وماشيه معانا عكس
عكاس
وكل مانصفى ونعدى
تزيدى قله الاخلاص
قوليلي يادنيا كده مالك
محدش عاجبه احوالك
قوليلى ازاى نلاقيها
منك ولا من ناسك
نسقيهم عسل صافي
يسقونا بداله مرار
وكلامهم بيتحدف
طعمه امر م الصبار
وقلوبهم مليها الحقد
تلقاها تشعلل نار
غش وزور يصاحبونا
ونلومهم مافيش فايده
لو يوم فى خير يلاقوك
بيبقو فى نار
ونار قايده
تملى بيحسدوا أهلك
لو القسمه في يوم زايده
هقولك إيه
سيبك م اللى لايصونه
عيشك ويا ملحك ياض
والكلمه إذا تطلع
تقول ده رصاص
وغصب عنا راح نغضب
وتبقى طعمها مالحه
وبحر عداوه وبيجرى
كما الراهوان
تملى ميته مخلط
ومطلوب منى اراضى الكل
مع إنى ابان راضي
مش متراضى بالجمله
وأكون ليهم ورود مع فل
واكون ليهم كمان فاضى
ومطلوب منى اكون دايما
أنا إنسان
برغم القسوه والأحزان
مطلوب منى ابقى تمام
ورغم جراحى تعباني
مطلوب منى أبقى حنان مع مرهم
ومهما أشوف
عمرى في يوم ما ابين
والله الناس مهيش ناس
تلاقي الكل متنكره
فى صوره ديب
وفين العيب
العيب فيكى مش فينا
ولا يوم حد حاسس بينا
القلب صبح مليان
لكنه برضه بيعافر
بقول الآها وبتوجع
وبحس الوجع جوا
مهما أشكى و أبكى
كله فى همه راح سارح
قوليلى اشكى وأبكى لمين
مبقاش فيكى حد آمين
الحن طليس
Discussion about this post