كلمات الشاعرة
وفاء على
انا شوفت كتير صدمات بالكوم
وعاصرت آلام وصاحبت هموم
واترسم الحزن على ملامحي
ووقعت كتير وحاولت أقوم
واهو جالي اليوم
الحب يجيني بدون مواعيد
على ايده هيبدأ عمر جديد
والفرحة اللي حلمت أشوفها
ف حياتي خلاص
صبحت بتزيد
مبسوطة أكيد
فرحة عطشان بسبيل ميه
فرحة صايم بقدوم العيد
احساس مبهج حد الطيران
الدنيا اللي اسودلي لونها
بقا ليها ف عيني كتير ألوان
والشمع اللي انطفى بدموعي
بقا فجأة يقيد
مابقاش في هالات حوالين العين
والعمر اتبدل بالعشرين
والحزن اللي عاشرته ليالي
اتمحى وكأنه يادوب ساعتين
والبشرة كمان صبحت صافية
واتخلص قلبي من التجاعيد
من تاني هاعيد
انا صُمت حياتي بدون حبه
وف قربه خلاص أهو جاني العيد
——————————
كلمات الشاعرة
وفاء على
Discussion about this post