بقلم الشاعر والكاتب … إلحن طليس
ان مال عليك الزمن
يابن الأصول
اطلب من العاطى
لاتطلب من الندل
ولاتتذل للواطى
بخت الأصيل اهه مال
والخسيس معدول
ماكنت خالى يا قلبى
ايه اللى وقعك مع دول
اكلوا فى خيرك كتير
ونسيو ودك وجميلك
كتمت فى قلبى
كل اللى كان منهم
وفى قلبى جراح كتير
فيهم اللى آمنته ع السر وبسرى باح وعوا
وسمعت أنا بودنى
كتير منهم
احنا اللى بنرخص
كل غالى يا ناس
ونعلى الرخيص
ونعمل للخسيس قيمه
لما اللى منك يبيعك
والعشرة تهون عليه
امسح دموعك بايدك
ولو شوفته اعمل ناسيه
واحفظ شكله قوى
واعرف عملك ايه
بكره الأيام تذله
وتعمل مزاد عليه
يالى تعيب ع الزمن
هو الزمن عمل ايه
العيب دا عيب البشر
وأفعاله شاهده عليه
قليل الأصل مالوش عتاب ولا لوم
لأنه من الاصل كان معدوم
سيبك بقي منه
دا الناقص ميتعاتبش
ولو قعد وسط الرجال
من ضمن الرجال مبيتحسبش
Discussion about this post