………………
ياما كنت فاكره نفسي
جوا قلبه لوحدي فيه
فتيشت حبه حبه
حبه غيره ونار وقايده وحبه شارده وحبه بارده
واللي شوفته وكان مخبي
لما جات عيني في عينيه
باع في لحظه بحور موده
وياما زاد نار المعانده
وسامحنا في اللي عدا
مش كفايه رضينا بيه
شكله لا إتعلم وعادي
ولا سد بيبان لماضي
ولا نادم ع اللي فيه
دفتر الأحوال يوماتي
وجاتلي صدمه من اللي آتي
دي الجوازه الرابعة ليه
أيه اللي خدته من غرامه
غير دموع وعيوني دابوا
ليه خدعني ما بان لي نابه
ولا حضني في يوم وسابه
ولا بانشي يوم عليه
نص عمري ضاع في كدبه
والضراير زيي ندموا
وإتفقنا كتير عليه
كل يوم بيعدي شيله
والمكايده بألف حيله
هات وهات ما شافشي راحه
ضغط سكر وبصراحه تاني جلطه
الله يعافيه
قومي يا سبعي شد حيلك
ده اللي جايلك مش كفايه يتقرأ الفاتحه عليه
بقلم .. صبري رسلان
Discussion about this post