رغم إزدحام المنتهىٰ …

كلمات الشاعر

 سلامه ابو النجاه

رغم إزدحام المنتهىٰ 

النعّش طار من غير جناح 

آخر قصّيده كتبتها 

يُحرم على شِعري النّواح 

راح اللي راح ساعة قّضا 

القبر أوسع م الفضا 

الجتّه مسّكنها الكّفن 

والفكره مثواها البراح 

فوّاح شُعورك بالنّدم 

مُبهم شعورك بالفتور

بيت القصيد مهما إنهدم 

قادر يناطح ألف دور 

سّارح في ظل اللي إختفىٰ 

واللي إنبطح واللي إنكفىٰ 

واللي من شّعري إكتفىٰ 

ما يعنيهوش الإنبطاح 

سوّاح وداير بالقلم 

أفضح خّبايا وصيّتي 

أنسج قصيده من العّدم 

ترسم مراسّم خرجتي 

داخل خيوط الشّرنقه 

النظره لسه مبحّلقه 

من بين طواحين الشًقا 

يُولد شُعور الإرتياح 

مدّاح مديحي في الوّطن 

منحُوت في صدر المقبره

كل الحروف صابها العفن 

إلا حروفي معطّره

كل الحروف متجرّده 

وأنا شِعري طاير في الفّضا 

يتوضا من نهر النبي 

وينادي حيّ على الفلاح 

الشِعر كوني وكوكبي 

مش حبر خرّ على الورق

يا كل شّاعر لولبي 

ساجل سلامه على الملأ 

أنا شِعري من دمّي إغتسل 

مذاقه من طعم العسّل 

ينزل على كل العِلل 

يداووا بيه كل الجِراح 

    كلمات الشاعر

 سلامه ابو النجاه