بين الجاي والحاضر

ما بين الجاى و الحاضر
يدوب فتحة
فتعالى نطل عليه طله ..

ما دام يومنا ماهوش قادر
و الصّورة فيه مهيش واضحه
خلّينا ببكره نتسلى ..

و شوف نفسك كمان كام عام
هتتغير
و لا هتتحدى غبا الايام
هتنسى حلمنا و لاّ ..

هيفضل عهدنا باقي
و هتراعي تملي أشواقي
و قلب فى محراب الغرام صلى ..

صحيح قلبك كما النّوار
و أحلامنا بريئه صغار
لكن يا خوفي م المشوار
رياح البعد اكيد هله ..

فخلي باب البعد متوارب
و اقف جنبي نصد الفرقة و نحارب
في بحر عنيك ماليش قارب
و بتمنى الغرق والله ..

ما بين الجاى و الحاضر
يدوب فتحة
فتعالى نطل عليه طله ..

كلمات الشاعر
خالد عبدالمعطي