صحيفه الرواد نيوز
—————
– عبد الوارث عسر ( مرزوق أفندي ) : أستاذ حمام .. أستاذ حمام .. ابن حلال مصفي .. أنا جايلك مخصوص .. تعالي .. بقي يا سيدي أنا عاوز منك
– نجيب الريحاني ( الأستاذ حمام ) : عايز مني إيه إنت راخر ؟ خلاص ال 3 ساغ ( صاغ ) اللي كانوا فاضلين من ماهيتي
– عبد الوارث عسر ( مرزوق أفندي ) : ماهية إيه ؟! تعالي معايا
– نجيب الريحاني ( الأستاذ حمام ) : سيبني في حالي .. سيبني في غلبي
– عبد الوارث عسر ( مرزوق أفندي ) : مالك ؟ فيه إيه ؟
– نجيب الريحاني ( الأستاذ حمام ) : اترفدت يا سيدي
– عبد الوارث عسر ( مرزوق أفندي ) : ليه ؟ عشان إيه بقي ؟
– نجيب الريحاني ( الأستاذ حمام ) : عشان أدوخ في دنيتي .. عشان بالي ميرتحش يوم واحد .. عشان حظي كده
– عبد الوارث عسر ( مرزوق أفندي ) : حظ ؟!! حظ إيه يا شيخ ؟! ده كلام يقوله راجل زيك راجل فاضل
– نجيب الريحاني ( الأستاذ حمام ) : فاضل ؟! و بقي فاضل مصيبة في الدنيا محودتش ناحيتي
– عبد الوارث عسر ( مرزوق أفندي ) : إيهي .. بلاش أوهام أومال
– نجيب الريحاني ( الأستاذ حمام ) : مش أوهام .. أنا كده .. أنا حياتي كلها كده .. أنا من كام يوم نفسي هفتني علي أكلة سمك .
– عبد الوارث عسر ( مرزوق أفندي ) : كويس
– نجيب الريحاني ( الأستاذ حمام ) : خدت بعضي و رحت علي حلقة السمك و قلب دور في وسط خمستلاف عشرتلاف سمكة لحد ما لقيتلي واحدة استلطفتها
– عبد الوارث عسر ( مرزوق أفندي ) : أيوه .. إنت حاكم تفهم في السمك أوي
– نجيب الريحاني ( الأستاذ حمام ) : أوي أوي أوي أوي .. جت من الفرن بتهفهف و اتشمرت أنا و ابتديت أمزمز فيها
– عبد الوارث عسر ( مرزوق أفندي ) : بالهنا و الشفا
– نجيب الريحاني ( الأستاذ حمام ) : استني .. هو حصل هنا و لا شفا
– عبد الوارث عسر ( مرزوق أفندي ) : الله .. أومال حصل إيه ؟
– نجيب الريحاني ( الأستاذ حمام ) : حصل تسمم
– عبد الوارث عسر ( مرزوق أفندي ) : إيهي ! إزاي ؟
– نجيب الريحاني ( الأستاذ حمام ): إنت مش تسمع عن السمك اللي نبهت عليه وزارة الصحة ؟
– عبد الوارث عسر ( مرزوق أفندي ) : آه .. قريت عنه في الجرايد اللي بيسمم الناس ده
– نجيب الريحاني ( الأستاذ حمام ) : أهو أول سمكة ظهرت في مصر من النوع ده كانت اللي نقيتها بإيدي أنا من وسط عشرتلاف سمكة شرطا كلهم سلام
(( و يموت الضاحك الباكي في نفس العام ” 8 يونيه 1949 ” و قبل أن يشاهد عرض الفيلم الذي كان عرضه الأول في سبتمبر من نفس العام ))
Discussion about this post