“شهر الطاعة”
إصحىٰ يا نايم قوم من النوم
دا احنا بقينا ف شهر الطاعة
قلت أبالسه مقيدة رجلك
دا إتحبست قوم صلي جماعة
رمضان ليلُه صلاه وعباده
قوم واتعبد فيه كام ساعة
هتعلق كَسلَك على أيه
معادتش عندك ولا شماعة
مِش تصحىٰ علشان كام لقمة
ياما أكَلت بكل فَظاعة
أعلنت الحرب على فُطورَك
كأنك ف سباق ولا مجاعة
إصحىٰ يا نايم سحر روحك
بعبادة تعيش ف قناعة
دايما نايم مغطى ودانك
م تخاف من نار والعه بدون ولاعة
ربك غفور وهيغفرلك
سبحانه وهبلك ف المهد رِضاعة
ونبي الرحمة أَبى القَاسم
يفرح بك وتنول الشَفاعة
كلماتى:
الشاعر: محمود أبوالعيلة
مصر
Discussion about this post