كل آهه
وليها معنى
بس مين يفهم وجعنا
هموم الناس وشيلينها
وأقول يا مين
يشيل همى
كتمت فى سرى
من بدرى
عشان ابان للجميع
أقوى
وعلمنى الزمان انى
ادارى موجعى الامى
ياقايل آه سمعنى
قولها كمان وسمعنا
بنسمع ناس تقول الآه
فيها طعم وليها معنى
وناس الآه
لا ليها طعم
ولا ريحه ولا معنى
وايه هيفيد العتاب
وأهل الأصول خلصوا
صاحبت ناس من دهب
طلعوا دهب فالصو
عاليت فى سقف العشم
وعملت تسعيرة
القلب ساق فى العشم
اتاريها وشوش عيره
والروح من غير وليف
تلاقى الود معاه بلا قيمه
يا دروب تعبت من التجاريح
عشمان انا ف الجاى
وف ليل من غير حكاوى الناس
ونهار يشاور
ويهلل
يقول أنا جاى
عشمان وانا ف الضى
وف قلب بينبض
يزعق
ويقول أنا حى
بقلم الشاعر والإعلامي
الحن طليس
Discussion about this post